No kan du søkja om midlar frå Sparebank 1-stiftinga Kvinnherad. Har du og din organisasjon eit prosjekt som treng midlar for gjennomføring? Send inn ei beskriving av prosjektet, og søk om gåvetildeling. Søknadsportalen stengjer 8.mars. Foto: SpareBank 1-stiftinga

Nytt år, ny søknadsrunde - Sjå reklamevideoen til stiftinga

Sparebank 1-stiftinga Kvinnherad er godt i gang med ein ny søknadsrunde for våren 2022. Har din organisasjon eit prosjekt som treng midlar til gjennomføring? Send inn ein søknad då vel.

01.03.2022 15:45

Våren er her - denne herlege tida då lag og organisasjonar kan søkja om midlar frå Sparebank 1-stiftinga Kvinnherad.

Det er lag og organisasjonar heimehøyrande i kommunane Kvinnherad, Stord og tidlegare Odda kommune som kan søkja om tildeling av gåver.

– Vi i stiftinga er spent på å sjå kva behov lag, organisasjonar, eldsjeler og andre samfunnsaktørar står ovanfor i 2022. Send inn ei beskriving av prosjektet, og søk om gåve gjennom vårt elektroniske søknadsskjema. Dette finn du på heimesida vår, kvinnheradstiftinga.no, seier dagleg leiar, Bente Lie Nilsen.

Søknadsportalen stengjer tysdag 8. mars.

Tildelingar gir resultat

I reklamevideoen nedanfor visar Sparebank 1-stiftinga eit lite utval av prosjekt som allereie har fått midlar. Totalt er det tildelt 126 mill. kroner til 1184 prosjekt.

Reklamevideo laga av Grenda.