Ølve-tjuv teken i trafikkontroll
Ein mann i slutten av 30-åra frå Bergen sit no fengsla etter at politiet fann tjuvgods i bilen hans under ein trafikkontroll.
Tjuvgodset var frå eit innbrotsraid i Fusa førre helg, men etter nærare undersøkingar av mannen kunne politiet fastslå at dette også var mannen som stod bak innbrota i eit hyttefelt i Ølve tidlegare i vår.
– Det kan tyda på at det er han som har stått bak ein del av hytteinnbrota i seinare tid. Me har funne ting som stammar frå staffbare hendingar i Tysnes og i Kvinnherad. Det dreier seg om tjuveri, steling av kjennemerke på bilar og hytteinnbrot i Ølve, seier lensmann Lorentz Lunde ved Fusa og Tysnes lensmannsdistrikt til bladet Tysnes.
Artikkelen held fram under annonsen.
Politiet vil arbeida vidare med etterforskinga blant anna for å avdekka om den same mannen står bak innbrota på Reksteren.