Sør-Vest Politidistrikt har gått ut med dette biletet av Irene Utne (48) som vart meldt sakna av familien 20. januar. Ho vart sist sett i Haugesund 11. januar. (Foto: privat)

Kvinne meldt sakna: politiet ønskjer tips

Irene Utne (48) vart meldt sakna av familien sin 20. januar. Siste sikre observasjon av kvinna vart gjort i Haugesund 11. januar, og politiet ønskjer no tips frå publikum.

Dette melder Sør-Vest Politidistrikt i ei pressemelding.

Politiet har ingen haldepunkt for at det har skjedd noko straffbart, men både politiet og familien til Utne er uroa for helsetilstanden hennar. Politiet ynskjer difor tips frå publikum som kan ha observert Utne etter den 11. januar og andre som kan ha opplysningar.

Politiet oppgir følgjande signalement på den sakna kvinna:

Alder: 48

Høgde: 165 cm

Hårfarge: brunt, langt hår

Artikkelen held fram under annonsen.

Kroppsbygning: slank

Anna: haltar som følgje av ein skade i foten.

Har du informasjon kan politiet kontaktast på telefon: 02800 eller på e-post: tips-rogaland@politiet.no

Utne budde i Kvinnherad rundt tusentalsskiftet. Ho var då tilsett ved Søral og dessutan ein aktiv fotballspelar og -trenar her.