Opnar banken i desember
I midten av desember opnar Tysnes Sparebank dørene til det nye kontoret sitt i «gamlebanken» ved sidan av Clinique Rosendal i Skålagato.
– Det gler vi oss stort til. Vi held no på med å stella i stand lokalet med litt maling og ommøblering. Og så skal vi etter kvart få på plass eit skilt, slikt at alt er klart til vi opnar opp i midten av desember, seier banksjef Dag Sandstø.
Parallelt med etableringa av møteplassen i Rosendal, jobbar òg Tysnes Sparebank med å opna eit tilsvarande kontor i Odda. Med det opnar dei opp i begge bygdene kor SR-bank nyleg stengte.
Artikkelen held fram under annonsen.
– Der andre bankar legg ned har Tysnes Sparebank gått mot straumen og opna kontor. Etter suksessen med nytt kontor på Husnes, satsar vi no endå meir på å vera til stades i lokalsamfunna rundt om i regionen, skriv sparebanken i ei pressemelding.