Opnar tidlegast i morgon

Vegen forbi Furebergfossen opnar tidlegast på onsdag. Både store vassmengder og eit ras ved tunnelen skapar vanskar.

Fureberg bru vart stengt måndag kveld klokka 19.19. Tysdag ettermiddag er vegen framleis stengt, og Mesta varslar at dei store vassmengdene gjer at det ikkje er aktuelt å opna igjen før tidlegast onsdag. Folk som har vore på staden fortel at det ligg fleire eit halvt kubikk store steinar på brua. Dette har ført til diverse skader på rekkverket.

Natt til tysdag gjekk det også eit ras rett utanfor munninga til Furebergtunnelen, på Fureberg sida av fylkesvegen. Stort sett var det jord og tre som datt ned, men det kan framleis henga meir massar igjen i fjellsida.