OPPDATERT: Barn (3) og mor floge til Haukeland
Klokka 21.18 melder Vest Politidistrikt på Twitter at det skjedde ei ulukke i Husnes båthamn kring klokka 19.35 torsdag kveld.
Eit barn skal ha hamna i sjøen, og vore i vatnet i cirka tre minuttar før det vart berga opp. Barnet vart floge til Haukeland sjukehus i luftambulanse.
Artikkelen held fram under annonsen.
Mor til barnet segna om staden, og vart også floge til sjukehuset.
«Tilstand til dei to er ukjent for politiet», vert det opplyst.
Til VG seier operasjonsleiar Per Algrøy at mor ikkje har vore i vatnet. Det dreiar seg om utanlandske personer, men politiet veit ikkje om dei er turistar.
Politiet jobbar på staden torsdag kveld, og ynskjer å koma i kontakt med vitne.
Klokka 22.13 opplyser Vest Politidistrikt at barnet er ei tre år gamal jente.