Oppdatert: Mann (23) omkom i tunnelulukka
Politiet bekreftar at mannen som krasja i fjellveggen i Stussvikhovdatunnelen natt til måndag har omkome.
Det skriv operasjonsleiar i Vest politidistrikt, Terje Magnussen, i ei pressemelding måndag føremiddag.
Politiet vil etterforska forholdet.
Artikkelen held fram under annonsen.
Alle naudetatane, inkludert luftambulanse rykka ut til Stussvikhovdatunnelen etter melding om ei trafikkulukke klokka 03.22 natt til måndag.
– Bilen køyrde i fjellveggen. Alle naudetatar, samt luftambulanse rykte ut til staden. Mannen var ikkje fastklemt og er teken ut av bilen, sa operasjonsleiar Frode Kolltveit i Vest politidistrikt til Bergens Tidende då.
Bilisten var på veg i retning Tysnes då han køyrde inn i tunnelveggen. Og det var ein forbipasserande som fyrst melde frå om ulukka.
– Det var berre éin mannleg førar i bilen, seier Kolltveit til NTB.
Tunnelen var stengt i fleire timar etter ulukka, men like over klokka 06.00 skriv Vest politidistrikt at det er igangsett manuell dirigering på strekninga.
Klokka 10.00 kunne Vegtrafikksentralen Vest melda om at tunnelen igjen var opna for fri ferdsel.
Statens vegvesen si ulukkesgruppe er no på veg til Kvinnherad for å undersøka ulukka.