Oppdatert: Tilstanden er alvorleg
Tilstanden er alvorleg for den 21 år gamle motorsyklisten som fredag ettermiddag køyrde i autovernet ovanfor Porsvik.
Det melder Haukeland universitetssjukehus fredag kveld.
Den 21 år gamle mannen vart frakta med luftambulanse til Haukeland universitetssjukehus etter å ha hamna utfor vegen og i autovernet like før klokka 13.00 fredag ettermiddag.
Artikkelen held fram under annonsen.
Alle naudetatane var raskt på staden.
– Vi er på staden saman med ambulanse, brannvesen og luftambulanse. Det er éin motorsykkel involvert, vi veit ikkje meir enn at motorsykkelen låg velta i vegen og føraren ved sida av. Førar verkar å vera skadd, og luftambulansen har akkurat landa, sa operasjonsleiar Bjarte Rebnord i Vest politidistrikt til Grenda like etter ulukka.
Vegen var stengt i alle retningar like etter ulukka, men opna att etter at luftambulansen hadde letta like etter klokka 13.30.
– Fylkesveg 48 er opna etter trafikkulukka. Førar er flydd til Haukeland sjukehus, skriv Vest politidistrikt på sin Twitter-konto klokka 14.00.