Opprettar sak etter kollisjon mellom bil og MC

Laurdag ettermiddag kolliderte ein bil og ein lettmotorsykkel ved Lundsneset.

Politiet fekk melding om hendinga klokka 15.15 på laurdag.

– Det var ein bil som stoppa av trafikkale årsaker. Bakfrå kom ein motorsykkel med to jenter oppå. Dei greidde ikkje å stoppa, enten fordi dei låg for nær bilen eller ikkje følgde godt nok med, og køyrde i bilen. Den eine passasjeren vart skadd. Politiet opprettar sak etter Vegtrafikklova § 3, som handlar om aktsemd i trafikken, fortel politistasjonssjef Sigurd Børve.