Overtek brøyteansvaret

Dimmelsvik Entreprenør AS har fått ansvaret for å halda store delar av kommunen sin vegar frie for snø dei neste fem åra.

– Det skal gå greitt det, det er alltid kjekt å få på plass nokre faste kontraktar. Samstundes har vi jo utstyr og maskinar til det, så det bidreg til at vi får halda dei i gang, seier styreleiar og eigar Atle Søllesvik.

Dimmelsvik Entreprenør har tidlegare brøyta litt for kommunen, men vert no ein underleverandør av Mesta. Dei får ansvar for å brøyta, salta og strø vegen frå Utåker til Gjetingsdalen, samt over fjellet til Matre og Åkra.

– Det er vi som har ansvaret, men med oss får vi Leganger Maskin som vil ta seg av fjellet og vegen inn til Matre og Åkra, i tillegg vil Hauge Transport ta vegen frå Børnes i Uskedalen og ut til Utåker, seier Søllesvik som i førre veke var i Tvedestrand og henta heim ein ny lastebil til brøytearbeidet.