Pallen glapp for Ragnhild
Ragnhild Femsteinevik og Endre Strømsheim vart nummer fire på torsdagens EM-stafett.
23-åringen frå Hatlestrand og gårsdagens bronsevinnar, Endre Strømsheim, representerte Norge i dagens mix-stafett i Minsk.
Artikkelen held fram under annonsen.
Duoen frå Norge låg lenge an til å sikra seg ein EM-medalje, men så gjekk alt gale for Strømsheim på siste skyting.
Strømsheim og Norge leia ut etter nest siste skyting, men då siste besøk på standplass resulterte i tre strafferundar på Strømsheim, måtte skiskyttarduoen innsjå at pallen glapp.
I staden vart det ein sur fjerdeplass på Norge, 49,6 sekund bak vinnarane frå Russland.