Påskefest med Gunslingers
Årets Gunslinger-konsert på Dønhaug vert den sjuande i rekkja.
Onsdag 17. april står pop-countrybandet frå Hardanger på scena i Uskedalen. Bandet har dei siste ti åra turnert land og strand rundt for utselte hus med sin humoristiske musikk, og kjem no til Dønhaug i Uskedalen for sjuande gong.
Artikkelen held fram under annonsen.
– Gunslingers er eit godt live-band med eit solid sceneshow og passar perfekt til ein låvefest. Kvar gong Hardanger-bandet har vitja dønhauglåven har dei skapt stor stemning med allsongfaktor i ein fullsett låve, skriv arrangørane i ei pressemelding.