Pipebrann i Omvikdalen

Det vart fredag føremiddag meldt om pipebrann i Myklebustvegen i Omvikdalen.

Brannvesenet rykte raskt ut til staden, og fekk tidleg kontroll på situasjonen.

– Det heile er heilt udramatisk. Det er slikt som skjer no på denne tida. Brannvesenet fiksa fort opp i brannen og får no saman med feiar feia ut det som utløyste den, seier lensmann ved Kvinnherad lensmannskontor Jan Fosse.