Politiet åtvarar mot sal av nakenbilete blant unge

Tenåringsjenter legg ut prislister på sal av bilete og video av seksuell karakter på Snapchat. – Ein urovekkande trend, seier politiet.

I ein post på Facebook, som politiet i Kvinnherad har delt, går politiet sin nettpatrulje no ut og bed foreldre engasjera seg i barn og unge sine mobilvanar. Det kjem som følgje av at dei den siste tida har blitt gjort merksame på at jenter i tenåra seg bilete og video av seksuell karakter via det sosiale mediet, Snapchat.

– Dei som legg ut desse prislistene ser dette som ein måte å skaffa seg lettente pengar. Politiet sin bodskap til ungdomar som deler slikt materiale er at dei mistar kontrollen over bileta eller filmane, ved at dette kan spreiast på nettet. Politiet ser også i nokon tilfelle at mottakarane av bileta trugar med å spreia desse for å få jentene til å senda endå grovare materiale. Det er ikkje uvanleg at dei som er utsett for slike overgrep via nettet, tar med seg den opplevinga i mange år, skriv politiet sin nettpatrulje på Facebook.

Vidare skriv politiet at dei prioriterer desse sakane høgt.

– Det blir reagert med strenge straffar for dei som mot betaling eller på annan måte får barn og unge til å utføra seksuelle handlingar med seg sjølv, og politiet prioriterer desse sakene høgt. Det er urovekkande, og vi ynskjer å bidra til at dette stoppar, står det å lesa.