Presenterte ynskelista til eldrerådet
Endeleg fekk eldrerådet sleppa til i kommunestyret. Leiar Vidar Ask nytta høvet til å orientera om ynska dei har knytt til kommunen sitt tenestetilbod.
Det fyrste temaet Vidar Ask nemnde, var «Kvardagsrehabilitering», eit kommunalt prosjekt som starta i området Halsnøy-Sunde i 2018.
Artikkelen held fram under annonsen.
– Vi meiner denne ordninga bør utvidast til å omfatta heile Kvinnherad, snarast, sa leiaren.
Eldrerådet bed elles om nye eller oppgraderte kjøken på kvar institusjon, og at middagane skal serverast derifrå. Bufellesskap med felles tilsyn, besøksvenner sett i system, og éi stilling til å driva med førebyggjande heimebesøk, var andre saker han la fram.
– Det er mange som sit åleine rundt omkring, spesielt dei som ikkje er registrerte hjå heimetenestene, slo Ask fast.
Eldrerådet består i dag av Vidar Ask, Grethe Brundtland, Irene Nielsen-Sjo og Magne Huglen, i tillegg er det éin ledig plass etter at Aasmund Taarn Sande trekte seg.