Rosar lokale fjellturar

I den ferske utgåva av magasinet Sti og Varde får Kvinnherad-fjella mykje skryt.

Bladet har eit to-siders oppslag kalla «Turlagets bucket-liste». Der er 12 av dei tilsette i administrasjonen til Bergen og Hordaland turlag spurd om kva som er deira fyrsteval om dei berre får gå éin dagstur. Interessant nok plukkar fire av dei ut turar i Kvinnherad. Dagleg leiar Helene Ødven har lyst å gå til Melderskin. «Melderskin vert ofte kalla «Dronninga blant Hordalands-fjella». Storslått utsikt mot havet, fjordar, fjell og Folgefonna», skriv ho.

Tre av dei andre vel seg høvesvis Malmangernuten, Bjørndalstraversen og Gygrastol.