Rykte ut til trafikkulukke i Mauranger - vegen stengt

Onsdag like før klokka 15 meldte Vegtrafikksentralen Vest på X at det var redusert framkome mellom Nordrepollen og Austrepollen grunna ei trafikkulukke på strekket.

Sigurd Børve ved Kvinnherad politistasjon fortalde til Grenda at det var to bilar involvert, men at skadeomfanget framleis er ukjent. 

Ifølgje Vest politidistrikt var det klokka 14.39 meldinga kom, det i form av ein utløyst automatisk e-call. 

"Airbag skal vera utløyst. Samtlige nødetatar er på staden. Området Hovda/Salbuneset. To bilar involvert, ein el-bil og ein fossilbil. Ukjent tal personar involvert. Vegen er no stengt i begge retningar. Berging er rekvirert til begge køyretøy. Ankomst cirka klokka 1615. Dei to bilførarane er ein mann i 40-åra og ei kvinne i 50-åra. Ukjent hendelsesforløp pr. no", vert det opplyst. 

Ifølgje tips til Grenda rykte det ut ein politibil, tre brannbilar og to ambulansar frå Odda. 

Smalt område

Bergingsbil kom fram kl 16.17.

"Ingen mistanke om noko form påverknad på nokon av bilførarane. Materielle skader på begge bilane. Ingen personskade. Hendinga skjedd på eit smalt område. Bilane kom i kvar si retning. Ingen sak vert oppretta. Partane ordnar opp med skademelding", avslutta Vest politidistrikt klokka 16.30.