– Sal av KE nettdel – store innsparingar på nettleiga for næringslivet?

Det har den siste tida vore mange lesarinnlegg i lokalavisene om kor store innsparingar det skulle bli i nettleiga for næringslivet ved eit sal av nettdelen i KE til BKK eller HK. Dette har òg vorte brukt som eit viktig argument for å få til ny etablering av næringsverksemd i kommunen vår og sikra eksistensen til eksisterande næringsliv. Kor mykje vil vi spara?

Eidsvik Eigedom AS hadde i 2018 eit forbruk på 1.006.024 kWh og ein gjennomsnittleg effekt måling pr. månad på 233 kW. Eidsvik Eigedom har effektmålt anlegg.

Basert på 2019 prisar frå KE, BKK og HK for eit forbruk på 1.000.000 kWh i året vil årleg innsparing på nettleiga for Eidsvik Eigedom vera:

Ved BKK tariff ca. kr. 23.000,-

Ved HK tariff ca. kr. 7.000,-

Totalkostnad for nett og kraft for 2018 var kr. 703.000, eks mva.

Eg har ikkje fått kvalitetssikra tala med BKK og HK, men dette gjev ein indikasjon på vår innsparing i nettleiga med 2019 tariffar tilgjengelige pr. i dag. Har vi tid til å stoppa opp litt og snakka med næringslivet i Kvinnherad om reelle innsparingar ved eit sal av nettdelen?

BKK og HK er gode og seriøse aktørar. Omsynet til dei tilsette og framtidige muligheiter er sjølvsagt andre viktige faktorar som ein må ta med i vurderingane om sal eller ikkje sal. Som ein forholdsvis stor straumforbrukar synes eg vi og andre kundar har krav på litt meir fakta om framtidige innsparingar i nettleiga.

Uskedalen 22.05.19.

for Eidsvik Eigedom AS

Svein Arne Eidsvik

 

[gravityform id="11" title="true" description="true"]