Signerte sin største kontrakt nokosinne

Byggservice AS signerte onsdag ein kontrakt med Hydro Husnes som gir dei betong- og grunnarbeid til opninga av B-hallen.

– Det er ei rekkje forskjellege betongarbeid og grunnarbeid som vert sett saman til ein stor kontrakt. Det er arbeid i og rundt det at B-hallen skal setjast i sving igjen, seier dagleg leiar Fred Nils i Byggservice AS.

Ein kontrakt som blir Byggservice AS sin største nokosinne. Og det må feirast med kake.

– Kake blir det, heilt klart. Det er ein veldig stor kontrakt som betyr mykje for oss. No har vi sikra vinteren for mange, ein periode som normalt sett er litt tøffare i vår bransje, seier Nilsen og legg til:

– Men det er ein stor kontrakt med ein veldig komprimert og offensiv framdriftsplan. Arbeidet skal gjerast på kort tid, og vi skal vera ferdig i løpet av 2019. Så det vert ei kjempeutfordring, sluttar Nilsen.

Byggservice startar opp arbeidet 1. desember.