Sjå årets UKM-mønstring frå Kvinnherad

For å gjera årets UKM-mønstring tilgjengeleg for publikum, valde dei å filma arrangementet. No er filmen klar.

På grunn av koronapandemien tok ikkje arrangørane av Ung Kultur Møtes nokon sjansar med årets mønstring i Kvinnherad. Mønstringa vart stengt for publikum, og det var berre deltakarane sjølv som fekk vera til stades.

Men arrangørane filma dei mange innslaga, og har no samla det heile til ein film.

– Endeleg. Her kjem UKM-mønstringa i Kvinnherad 2021. Me er så stolte over alle dei flotte ungdomane me har rundt oss. Sett deg til rette og nyt, skriv UKM Kvinnherad på Facebook.