Sjøsetjing med elevhjelp

For fyrste gong sidan «Sommeråpent» for tre år sidan er den staselege vengebåten no sett på sjøen. Det skjedde med god hjelp frå barnehage, barneskule og ungdomsskule.

Måndag klokka 11.45. Det aular med folk ved Prestabryggja i Rosendal. Her er utsendingar frå barnehagen, 1. og 5. klasse frå Malmanger skule er på plass, det same er 10A frå ungdomsskulen. Dei er alle komne for å høyra på instruksjonane til Monsa-Knut’n, eller Knut E. Skåla som han visst nok heiter. Oppgåva er å få den store, tunge vengebåten på sjøen.

– Vi har ein måte å trekkja han ut på med vaier. Men vi får prøva på gamlemåten med handamakt, seier Knut.

Etter tre år på land, ser det ut til at kopien av baronen sin gamle båt vil få ein travel sommar. Fyrst skal Sunde skule bruka farkosten, og seinare er det meininga at han skal delta i Halsnøy rundt.

Les meir i tysdagens papiravis eller kjøp pdf-utgåva.