Skal setja 540 vaksinedosar denne veka – ynskjer å koma i kontakt med dei som har fylt 65 til no i år

Denne veka skal 540 innbyggjarar i aldersgruppa 65 til 74 år få vaksine. Når det gjeld dei som allereie har fylt 65 år til no i år, så treng kommunen litt hjelp med å koma i kontakt med dei.

– I våre lister har vi ikkje kunna henta fram dei som allereie har fylt 65 år til no i 2021. Vi bed om at dei sender ein e-post med namn, fødselsdato og telefonnummer til oss, så tek vi kontakt, skriv kommunen i ei melding.

I den same meldinga skriv dei at det denne veka skal setjast 540 vaksinedosar i aldersgruppa 65-74 år.

– Alle som er i denne aldersgruppa og som ikkje har fått tak i, får eit brev i posten der vi bed dei om å ta kontakt med oss, skriv kommunen.