Skipa kurs i akuttmedisin for eldreomsorga
Tilsette på aldersheimane og heimetenestene har no fått eit viktig kompetanseløft.
Denne veka vart det arrangert kurs i akuttmedisin i eldreomsorga. Onsdag var det tilsette på Rosendalstunet og Heimetenester Nord som fekk opplæring, torsdag stod Husnes for tur.
Tove Omdal, prosjektleiar/rådgjevar innan omsorg, helse og sosial i Kvinnherad kommune, karakteriserer tiltaket som eit gladnyhende.
Artikkelen held fram under annonsen.
– Vi har henta inn førelesarar frå Verdighetsenteret til to dagar med kompetanseheving. Denne undervisninga vil gi tilsette eit stort kompetanseløft som vi er stolte av, fortel ho.
Kurset inneheldt òg praktisk trening i å leggja inn veneflon, måla blodtrykk, puls og blodsukker.