Slår eit slag for kornsorten bygg
Omvikdalen Bygdekvinnelag vil tysdag 16. oktober slå eit slag for kornsorten bygg.
Aksjonen er eit samarbeid mellom Norges Bygdekvinnelag og butikkjeda Coop. På sjølve aksjonsdagen vil dei dela ut informasjon om bygg og vareprøvar av bygg med oppskrifter. Omvikdalen Bygdekvinnelag vil ha stand ved butikkane Coop Extra på Husnes og Coop Prix i Rosendal.
Artikkelen held fram under annonsen.
Det er tre hovudårsaker til aksjonen: Bygg er bra for helsa, sjølvforsyning, og bygg er god norsk tradisjon.
– Byggkornet har vore ein del av det norske kosthaldet i fleire tusen år, og det kan dyrkast over heile landet. Å løfta fram sunne, gode matvanar frå gløymselen kan skapa interesse for matlaging og auka matgleda, skriv Omvikdalen Bygdekvinnelag i ei pressemelding.