Slepebåt bygd hjå Skaaluren

Fartøyet «Nautilus Maxi» har dei siste vekene lagt ut fire sjøkablar i Kvinnherad. Til arbeidet har skipet hatt god hjelp av ein slepebåt, som dermed har vore på heimlege trakter.

Slepebåten som har vore med på kabellegginga, heiter no T/B «Nautilus Balder». Eigar er Seløy Undervannsservice AS frå Herøy utanfor Sandnessjøen. Men då båten var ferdigbygd i 1985, var både namn og eigar annleis. Den gong stod det nemleg «Bamse» langs ripa, medan eigar var Oslo-firmaet Bukser & Bjergningsselskapet AS.

Endå meir interessant er det at bygginga føregjekk i Rosendal hjå Skaaluren Skipsbyggeri. Der var «Bamse» byggjenummer 237. Den isbrytande slepebåten vart levert 22. februar 1985.

«Nautilus Balder» er 35 meter lang og 9 meter brei. Bruttotonnasjen er 370.

 

https://grenda.no/legg-sjokabel-til-skorpo/