Slik feirar ferske avdelingsvinnarar

Etter å ha slått Fitjar 13-2 i siste seriekamp, kunne Halsnøy sitt J14-lag feira som vinnarar av sin 2. divisjon.

Fire sigrar, éin uavgjort og ingen tap vart fasit for Halsnøy J14 etter årets sesong. Det gav 13 poeng, og med det like mange poeng som rivalane frå Stord.

Men når blåtrøyene til Christine Solheim Fjelland og Jenny Alvær i tillegg kunne skilta med ein positiv målskilnad på 28, var det dei og ikkje Stord (12 plussmål) som til slutt vart kåra til vinnarar av 2. divisjon avdeling 1.

Noko som vart feira med stormande jubel og bluss.