Slutt på éin-metersregelen i skulen

Frå 2. juni kan heile skuleklassar vera samla i eit klasserom.

Lite smittespreiing gjer det forsvarleg at ei heil avdeling i barnehagen og ein heil skuleklasse frå og med 2. juni igjen blir ein kohort.

– I praksis betyr det at med dagens smittesituasjon kan ein heil klasse vera samla i klasserommet uansett kor stort klasserommet er, og fleire kan få eit fulltidstilbod, sa kunnskapsminister Guri Melby på onsdagens pressekonferanse.

I den nye smitterettleiaren for skular og barnehagar vil også avstandsregelen på éin meter mellom personar bli fjerna. I tillegg innfører regjeringa ein trafikklysmodell.

– Vi kan no letta endå meir på tiltaka og vi innfører ein trafikklysmodell med raudt, gult og grønt lys. No er det raudt, men vi kan gå over til gult allereie neste veke. No kan vi ta i bruk gule tiltak, noko som vil gi eit betre skuletilbod, sa Melby.

Ved gult lys betyr det moderate tiltak i skule og barnehage, medan grønt lys betyr vanleg skulekvardag. Les alt om trafikklysmodellen her.