Smitta person i isolasjon i Kvinnherad
Ein tilreisande person har fått påvist koronasmitte og er i isolasjon i Kvinnherad.
I ei pressemelding torsdag morgon stadfestar Kvinnherad kommune at ein tilreisande person har fått påvist koronasmitte og sit i isolasjon her i kommunen.
Artikkelen held fram under annonsen.
– Vedkomande har eit fåtal nærkontaktar her, og dei er no i karantene, står det å lesa i ei pressemelding.
Kommunelege Glenn A. Opland opplyser at smittesporing skjer i kommunen der personen er heimehøyrande.
– Det er snakk om ein ung person som høyrer til Bergen kommune. Vedkommande tok testen måndag og fekk prøvesvaret i går, seier Opland til Sunnhordland.