Søkjer midlar til prosjektering av seniorsenter

Seniorgruppa i Kvinnherad frivilligsentral søkjer kommunen om 200.000 kroner til eit prosjekteringa eit seniorsenter i Husnes sentrum.

Arbeidsutvalet for seniorsenter på Husnes arbeider for å få realisert bygginga av eit seniorsenter med 30 leilegheiter på Husnes. Då må dei først få laga eit skikkeleg forprosjekt.

– Første steg er å få laga ei skisse som skal brukast i presentasjon og marknadsføring. Det er òg planar om å etablera ei nettside for prosjektet, skriv seniorgruppa i frivilligsentralen i sin søknad.

Dei har vidare henta inn prisar frå ulike tilbydarar, og i tillegg til eigeninnsats viser det at forprosjektet har ein pris på 500.000 kroner. Sparebank 1-stiftinga Kvinnherad har allereie løyvd 125.000 kroner til arbeidet, no håpar dei at kommunen kan bidra med 200.000 kroner.

– Eit seniorsenter vil vera med på å utvikla Husnes-samfunnet til eit meir aldersvennleg samfunn og skapa meir liv i sentrum. Prosjektet vil tvillaust bidra til auka trivsel og aktivitet, minska einsemda bland eldre og gjera det lettare for det offentlege å yta tenester. Sjølv har vi ikkje økonomi til å starta eit så stort prosjekt som dette utan støtte frå fleire hald. Difor håpar vi kommunen vil bidra eit prosjekt med stor vinn-vinn-vinst, står det å lesa i søknaden.