Sorteringsproblem for dagens Grenda – få i Kvinnherad får avisa før fredag

Problem ved postsorteringa i Bergen gjer at dei færraste av våre abonnentar i Kvinnherad kjem til å få avisa i posten i dag.

– Me har blitt lova at avisa kjem i postkassane i morgon, fortel ein fortvil dagleg leiar i Grenda, Jarle Håvik.

Unnataket er dei av abonnentane som har postboks, som ser ut til å få avisene i dag, torsdag.

– Det er viktig å få fram at dette ikkje er Posten i Kvinnherad sin feil, men at problemet her ligg på sentralen i Bergen, som no har overtatt all postsortering i fylket.

Avisene som ikkje blei sortert natt til torsdag, blir no sortert klart til å nå postkassane i morgon.

– Det er fryktelig frustrerande for oss at produktet vårt ikkje kjem ut som det skal, seier Håvik.

– Er det noko abonnentane kan gjera?

– Dei av abonnentane som ikkje har registrert seg som digitale brukarar, kan ta kontakt med oss så hjelper me med å laga brukarnamn og passord, slik at dei kan lesa dagens avis – og alle andre utgåver av Grenda – i dag. Ring oss på 53487100 eller kontakt oss på e-post jarle@grenda.no, så kan me hjelpa, lover Håvik.