Spanderer nynorske strykemerke til russen
Kvinnherad mållag tek på seg spanderbuksene og delar ut nynorske strykemerke til raudrussen som ynskjer å pynta russedressen med nynorske tekstar.
Det er Norsk Målungdom som har kome på ideen om at årets raudruss skal ha moglegheita til å pryda russedressen med nynorske tekstar og utsegn. Så har du lyst på strykemerke som «Nynorskruss», «Mor di», «Skal me trynsleikja?» eller «Vil du vera med meg og bøya nokre verb?», så er det berre å ta kontakt Kvinnherad mållag.
Artikkelen held fram under annonsen.
– Viss russen vender seg til oss får dei ark med strykemerke. Det er berre å ta kontakt med Kvinnherad mållag på Facebook eller anna vis, seier leiar Kristian Bringedal i Kvinnherad mållag i ei pressemelding.
Dei spanderer strykemerka til russen som ynskjer det i mot at dei får eit bilete av den nynorske russedressen i retur.