Vender seg til tilsette i skule og barnehage etter levering av 1000 vaksinedosar

I dag vart det kjend at kommunen har fått tilsendt meir enn 1000 vaksinedosar. Då skulestarten nærmar seg vert særleg uvaksinerte personar som jobbar i skule og barnehage oppmoda om å bestille time.

– Det nærmar seg skulestart og kommunen oppmodar særleg undervisnings- og barnehagepersonell som ikkje har fått 1. dose om å bestilla seg time. Det er ledige vaksinasjonstimar i Rosendal for 1. dose no komande torsdag, melder kommunen på Facebook.

Vidare vert det opplyst om korleis statusen for vaksineringa i Kvinnherad er per i dag.

– Om lag 78% av innbyggjarane over 18 år har no fått 1. dose og om lag 50% er fullvaksinerte, skriv dei.

Med det store talet vaksinedosar som vert levert denne veka, går oppmodinga om å bestille time til alle innbyggjarane som enno ikkje er vaksinert, sjølv om henvendinga i denne omgang går særleg til skule- og barnehagepersonell.