Steinras i Mauranger

I morgontimane måndag gjekk det eit steinras over fylkesveg 107 ved Nordrepollen.

Det var klokka 04.24 at raset vart meldt. Raset landa på vegen mellom Nordrepollstunnelen og Jondalstunnelen, men det var passasje forbi, så trafikken vart berre hindra i mindre grad. Vegtrafikksentralen karakteriserer steinmengdene som «eit traktorlass», i tillegg til at det kom noko jordmasser ned.