Storkontrakt for Ølve Industrier
Ølve Industrier skal levera lagrings- og transportsystem for emballasje og is til SinkabergHansen.
– Det er ein vesentleg kontrakt for oss. Vi er glade for at SinkabergHansen opprettheld tillit til vår kunnskap og våre produkt, seier dagleg leiar Steinar Bjørkelund i ei pressemelding.
Artikkelen held fram under annonsen.
Han og konsernsjef Svein-Gustav Sinkaberg signerte nyleg ein avtale som omfattar system for emballasje, samt opplegg for lagring og distribusjon av is.
Den nye laksefabrikken i Nærøysund som skal opna fyrste kvartal 2021, og riggast for ein produksjon på 100.000 årstonn. Og Ølve Industrier har vore med i planlegginga rundt framføringa av emballasje- og is-anlegget, som skal produsera både heilfisk og ulike filetar i variert innpakking.
– Vi er trygge på at Ølve vil installera gode og funksjonelle løysingar, seier ein nøgd konsernsjef Svein-Gustav Sinkaberg etter at avtalen vart signert på hovudkontoret på Marøya.