Storsenteret i dialog med ny møbelbutikk

Senterleiar Geir Jakobsen kan bekrefta at dei prøver å få på plass ein ny møbelbutikk til sommaren.

– Det er ein møbelbutikk som er ynskjer eit samarbeid med oss frå sommaren av, men det er ikkje noko konkret eg seia no. Men at det er interesse frå ein og at me er i ein positiv dialog no, det kan eg bekrefta, seier Jakobsen.

Han fortel også at dei prøvde å få på plass møbelbutikken i haust, men at det då ikkje var mogleg å få til.

– Kjem det ein i sommar så vert det eit prøveprosjekt, litt ulikt dei andre møbelbutikkane, seier Jakobsen.

Storsenteret er også i dialog med andre butikkar som ynskjer å bli ein del av Husnes storsenter.

– Det er nokon butikkar me håpar skal koma på plass, i tillegg så kjem me til å gjera nokre interne flyttingar i tida som kjem, seier Jakobsen.