Stortrivst som storbonde på Valen

Kjetil Emmerhoff snudde i 2014 kvar ein stein og investerte stort i å overta gardsdrifta på Valen. Trass mykje blodslit og lange arbeidsdagar, kunne ikkje halsnøybuen vore meir nøgd med tilveret som bonde på ein av Hordalands største gardar.

Familien Emmerhoff er nyleg komen heim etter ei veke med avslapping i solfylte Bulgaria, men solfaktor og strandliv vart raskt gløymd då kvardagen, på hektisk vis, møtte både Kjetil og sonen Jens (14) førre tysdag morgon. Ikkje nok med at dei skulle få besøk av ein tidstjuv av ein journalist, men ei yrande trøyttleik døyvde òg lyden av vekkarklokka som var stilt inn på klokka 5. Heldigvis fører ein 19.231 mål stor eigedom med seg eit lass av nære og fjerne naboar, så då kyrne på bakken ovanfor låven på Valen hadde trakka ned gjerdet og kome seg ut i det fri i løpet av morgontimane, ringte ein kjærkomen nabo og fekk far og son Emmerhoff opp av senga.

– Då var det full fart ut i elbilen for å koma seg på arbeid og sanka inn igjen desse kyrne som hadde fått seg laus. Den eine skulle faktisk kalva, så ho prøvde å gøyma seg for å gjera det i ro og mak, men vi kom i tide og fekk ho raskt med inn i låven, seier storbonde Kjetil Emmerhoff.

Les meir og sjå fleire bilete frå livet som storbonde på Valen i torsdagens Grenda eller kjøp pdf-utgåva.