Strålande levert i bassenget 

Søndag 8. september konkurrerte tre Trio-symjarar i det approberte stemnet Høstskvetten.

Ellen Marie Vigrestad, Sigri Myklebust Lekva og Turid Helen Vigrestad representerte søndag Trio symjing i Åstveithallen og Haustskvetten 2019. Ellen deltok i 100 meter rygg, 50 meter fri og 50 meter butterfly. Ho klinka like greitt til med gull i alle øvingane i 2005-klassen. Sigri tok bronse i 50 meter fri i 2006-klassen, og gjorde sakene godt på 50 meter bryst og 100 meter butterfly. Turid Helene hadde som mål om å gjennomføra 100 meter butterfly utan å bli diskvalifisert, og det klarte ho med stil i 2008-klassen. Ho konkurrerte i tillegg i 50 meter bryst og 50 meter fri.