Suksess for skogdag
FK-Butikken inviterte til skogdag. Responsen let ikkje venta på seg.
– Eg trur me selte 15 motorsager første timen, seier Elisabeth Johnsen Haugse ved FK butikken i Sandvikjo.
Ute brann det i bålpanna medan motorsaga til Kjell Musland brumma, kvein og forma trestokkar til dyr.
Artikkelen held fram under annonsen.
– Eg er her mest for å laga lyd, smilte den joviale kunstnaren medan han trylla ei ørn ut av eit stykke tre.
Men lyden av motorsag gjorde definitivt noko med ramma rundt dagen. Nyfikne tok turen i hopetal, og fekk både traktor og motorsager demonstrerte.
– Det er kjekt å laga til litt aktivitet for kundane, og samstundes gje dei som kjem litt gode tilbod. Det som er veldig kjekt på desse dagane, er å sjå at kundane har tid til å ta seg ein god prat med kjente, smiler Stein Olav Ølvestveit ved FK Butikken.