Svar og vinnar 16., 17. og 18. desember

Her får du svar på dei tre quizspørsmåla i adventskalenderen i helga. Du kan også sjå om du er blant dei heldige vinnarane.

Den 16. desember ville me har svar på kva treslag me har mest av i Noreg. Rett svar er bjørk, noko Thor Inge Døssland frå Uskedalen visste. Han kan henta seg ein premie på Lio Sag og Treforedling avd. Husnes.

Den 17. desember spurde me etter namnet på verdas største motemagasin. Her trudde dei aller fleste at det er ELLE, men rett svar er Vogue. Me trekte ut Helga Klette Steinsvik frå Rosendal som den heldige vinnaren. Ho vinn hanskar og øyredobbar frå Senter Women.

18. desember spurde me kva ein dor er, noko alle visste. Ein dor kan forklarast på ulikt vis, men generelt er det eit verktøy som ofte vert nytta av snikkera. Det er ei metallstang, rett eller konisk, som vert nytta til å konsentrere eit hammarslag til eit punkt, eller til å pressa ut noko av eit hol. Blant dei mange innsendte svara har me trekt ut Ester Årdal Tveit frå Sandvoll som vinnar av ei lommelykt og eit multiverktøy frå Bygger`n Teigen.

Grenda gratulerer!

I dag blir det ny moglegheit til å vinna ein flott premie.