– Ta heller ein tur ekstra

Politiet i Kvinnherad får stadig vekk meldingar frå publikum om vegar fulle av stein og gjødsel. No oppmodar politiet lastebil- og traktorsjåførar om å heller ta seg ein ekstra tur enn å lasta for mykje.

– Ta omsyn. Ikkje driv og legg igjen stein og gjødsel på vegane våre. Det er sjåføren sitt ansvar at lasta ein køyrer er sikra skikkeleg. Om ikkje så vankar det bot. Då er det billegare å ta seg ein ekstra tur enn å køyra med overlast, seier politibetjent Håkon Tørvik.