– Takk til trenarar og leiarar på Norway Cup

Styret i fotballgruppa i Rosendal Turnlag vil takka spelarane som var med til Norway Cup for god innsats og fin oppførsel. Vi hadde også med ei jente som dommar. Annika Guddal har stått fram som ein flott representant for klubben og får berre gode skotsmål frå leiinga for dommaravdelinga.

Vi vil også nytta høvet til å takka alle trenarane og leiarane som legg ned eit stort arbeid for at ungdommane skal vere best mogeleg førebudde og klare for ei veke i Oslo. Det er mykje logistikk og planlegging å ha med 6 lag til ei veke med fotball i Oslo. Alle kampane går ikkje på Ekeberg, så det må ein del skyssing til for at laga skal koma til kampane og måltid i rett tid. Men vi har nokre kjekke sjåførar som fører oss trygt over fjellet og står på med skyssing av lag rundt store deler av Oslo. Alltid i godt humør og er så fleksible dei kan innanfor regelverket. Mange foreldre er med og skapar eit sosialt miljø rundt laga som er nokså eineståande. Ein stor takk til alle saman og til sponsorane våre som er med og gjer Norway Cup til ei flott oppleving kvart år.

 

Willy Kalsås, fotballgruppa i Rosendal Turnlag.

[gravityform id="11" title="true" description="true"]