Tar krafttak mot kreft med bilkortesje og livesending

Klokka 18 starta Kvinnherad-russen livesending for å samla inn mest mogeleg pengar til Kreftforeningen.

Tidlegare på dagen køyrde dei i kortesje rundt store delar av kommunen for å vekka merksemda for det dei skulle til med i kveld.

– Me har fått inn kring 40.000 kroner, men det er ikkje heilt dagsferske tal, seier aksjonssjef Kristine Holmedal Roksvåg til Grenda.

Under livesendinga, som ein kan sjå på Facebook-sidene til både Kvinnherad vidaregåande skule og til 2021-russen, blir det ein kveld med ulike utfordringar. Tidleg i sendinga var rektor Audun Bjelland og ordførar Hans Inge Myrvold i duell om å raskast eta ei skål med is.

Sendinga kan du følgja på denne lenka:

https://www.facebook.com/kvinnheradvgs/videos/194220589167471