Taximøte i neste veke

Kvinnherad Taxi bad om eit krisemøte med kommunen. No er datoen bestemt.

På tysdag hadde Grenda eit stort oppslag om krisa i Kvinnherad Taxi. I eit håp om å redda selskapet, bad drosjesjåfør Arne Bjørnevik om eit snarleg møte med ordførar Peder Sjo Slettebø. No er det klart at møtet vert fredag 30. juni, men utan ein ferierande Slettebø. I staden vil varaordførar Hans Inge Myrvold, som då er fungerande ordførar, representera den politiske leiinga.