Tid for å heidra lokale eldsjeler
Kvinnherad frivilligsentral ynskjer no forslag til kven som fortener Frivilligprisen 2022.
– Kjenner du nokon som fortener heider for innsatsen sin? undrar dei, og håpar på mange svar.
«Frivilligprisen vert gjeve til ein initiativrik person, lokal foreining eller ei gruppe, som gjennom sine idear og med sitt pågangsmot har betra trivsel og livskvalitet for andre og medverka til eit meir ope, aktivt og trygt samfunn i Kvinnherad», skriv Veronica T. Thorsen i ei pressemelding.
Artikkelen held fram under annonsen.
Dei er ute etter namn på eldsjeler som fortener ei påskjønning, og ynskjer å fylla innboksen sin med både namn og grunngjeving på kvifor akkurat denne personen fortener å bli heidra med årets pris.
I fjor gjekk prisen, vel fortent, til Sunde turstiar, på grunn av deira pågangsmot, drivkraft og brennande ynskje om å få på plass gode og lett tilgjengelege turstiar for innbyggjarane i Kvinnherad.
Forslag til Frivilligprisen 2022 kan sendast på e-post fram til 11. november til frivillig.sentralen@kvinnherad.kommune.no.