– Til ungdomen

Dei unge har i det siste vore flinke til å demonstrera for miljøet, gått i tog med flagg, hatt det moro og spurt mellom anna om kva Erna og Peder vil gjera for miljøet.

I sumar får dei sjansen til å trø skikkeleg til lokalt. Cruisedestinasjon Hardangerfjord har søkt Kvinnherad kommune om 120.000 kroner kvart år i tre år til marknadsføring av området.

Det er venta 118 svære skip med 168.000 turistar, derav 19 med 13.000 personar til Rosendal i år. Dette er noko som til og med  eg ser som fullstendig tullskap. Desse legg ikkje att ti kroner gjennomsnittleg pr. person, og sjølv om det er hundre kroner vert det berre ca. 1,3 millionar brutto. Korleis skal kommunen få att sine 120.000 av desse? Klart reknestykket går enormt i minus. Men dette får Peder ta seg av.

Ungdomane får ta seg av å stoppa tullet, då skal dei få respekt frå meg òg. Samla dykk alle ved første båt som kjem, det kan verte nokre hundre med flagg på kaiane i Rosendal. Her er ikkje politi nok til å fjerna dykk med makt, og ikkje ein einaste av desse forsøplarane kan klara å kome seg i land, dei fleste er eldre og kan ikkje bryta seg gjennom ein mur av sterke spreke ungdomar. Då vil dei neste skipa avlysa turen.

Dette kan sjå ut som ein spøk, men eg er faktisk einig med ungdomen i at å driva med noko som er så totalt tullete er feil, både miljømessig og særleg økonomisk.  Og brukar ikkje skipa olje, vert det automatisk mindre å pumpe opp òg.

Så kan Erna ta seg av å stoppe dei ca. eit tusen kolkraftverka som  er planlagt i Kina.

 

Lesarbev av Johs. Bondhus

 

[gravityform id="11" title="true" description="true"]