Tildelt Forsvarsmedaljen
Tor Erik Eide frå Uskedalen vart på torsdag tildelt Forsvarsmedaljen.
Medaljeoverrekkinga skjedde på Haakonsvern i Bergen, og sjefen for Sjøforsvaret, admiral Nils Andreas Stensønes, stod for sjølve overrekkinga.
Artikkelen held fram under annonsen.
«Eit av kriteria for å bli tildelt Forsvarsmedaljen er minst 25 års teneste i Forsvaret. Tor Erik Eide gjekk inn i Forsvaret som 18-åring og har sidan vore i Kongens klede», skriv nettstaden Uskedalen.no om 45-åringen.
Tor Erik Eide vaks opp i Uskedalen, men har dei siste 20 åra budd på Stord. Familien hans har sommarhus på Neset i Uskedalen.
«Eide starta sin karriere i Ubåtvåpenet, og segla der i to år før han tok teknisk utdanning med fagbrev i år 2000 på KNM «Tordenskjold». Etter befalsskulen for Sjøforsvaret jobba Tor Erik mange år i Barentshavet på Ytre kystvakt, mellom anna på KV «Senja». Dei seks siste åra har han vore tilsett i Sjøforsvarsstaben på Haakonsvern», melder Uskedalen.no.
Det er ikkje ofte nokon frå Kvinnherad får dette heidersteiknet. Men det er i alle kjent at Alf Bjarne Hansen frå Uskedalen fekk medaljen etter 39 års teneste i Forsvaret.