Tildelt Frivilligprisen
Toril Romsø vart fredag kveld heidra for sitt frivillige engasjement som leiar i Venelaget for Halsnøy Kloster.
Romsø har som leiar i Venelaget blant anna vore den store pådrivaren for å få på plass kulturløypa ved klosteret. Samtidig er ho sentral i mykje av dugnadsarbeidet som går føre seg på klosteret. Sjølv om det allereie i september var klart at prisen skulle gå til Romsø, fekk ho det offisielle beviset under Venelaget sin årlege fest på klosteret.
- Då eg fekk beskjeden vart eg så overraska og forstod eigentleg ingenting. Så tenkte eg på alle andre som heller skulle fått den. Men i dag så tenker eg at det berre er fantastisk kjekt, seier Toril Romsø.
Artikkelen held fram under annonsen.
Ordførar Peder Sjo Slettebø overrekte eldsjela eit bilete frå Galleri Guddal og eit diplom for arbeidet hennar.
- Det arbeidet Toril og Venelaget har gjort for å få på plass kulturløypa er heilt fantastisk. Klosteret er ei kulturhistorisk arv og ein viktig plass i Kvinnherad, og med løypa vert den enda meir tilgjengeleg, seier Slettebø.
Du kan lesa meir om frivilligprisen i tysdagens Grenda.