To nye smittetilfelle oppdaga

Torsdag morgon melder Kvinnherad kommune at det er registrert to nye tilfelle av koronasmitte.

– Desse var allereie i karantene, så smittesporinga var enkel og blei fullført onsdag kveld. Me har grei kontroll på denne smitten, og nærkontaktane testar seg no i dag, seier kommuneoverlege Glenn A. Opland til Grenda.

Han opplyser vidare at desse to smitta har ikkje samband med framandarbeidarane som testa positivt på tysdag.

Meldinga kjem same morgon som ein startar vaksineringa av bebuarar på Husnestunet.