– To storskular er ikkje vegen å gå

Vi var glade for å lesa i Kvinnheringen torsdag 14.november at politikerne har bestemt seg for å freda skulane i denne omgang. Men som FAU-representantar ved Uskedalen skule kjenner vi på ein uro for framtida for skulen vår. Dette fordi vi veit med sikkerhet at debatten om skulestrukturen kjem opp att, og det om ikkje lenge. Vi ser utfordringa med at elevtalet er på veg ned, og innser at noko må gjerast med strukturen. Samtidig vil vi slå ring om Uskedalen skule, for vi meiner det er eit feilgrep å vurdere å legge ned denne skulen som ligg midt i den langstrakte kommunen. Vi ser mange fordeler med å behalde denne fine skulen vår.

Uskedalen skule er ein gåskule. Det betyr at mange har muligheten til å kunne gå eller sykle til skulen på ein trygg og forsvarlig måte. Dette gjev gevinster både for folkehelsa og miljøet. Det fremjer klimapolitikken.

Beliggenheten til Uskedalen skule vil vi påstå er heilt unik. Vi har stranda 15 meter fra skuleveggen. Elevane har ved fleire anledninger har fått nytta denne til bading i skuletida. Dei har fått fiska, dreve med havprosjekt, forskning i strandsona og mykje meir. Lærere ved Uskedalen skule har i sommar vært på kurs i utesvømmetrening (coasteering) og opplæring i korleis ein skal ferdast trygt ved sjøen. No som det er eit nasjonalt fokus på nettopp dette, har vi i Uskedalen ypperlige høve til å gjennomføre dette uten ekstra kostnader. Sameleis har vi Uskedalselva der elevane ved fleire anledningar har nytta til kanopadling.

I tillegg har vi ein stor og innhaldsrik skuleplass med kunstgrasbane, klatrepark, leikeapparat, asfaltert rulleskiløype, friområde og skaterampe. Elevane får i skulesamanheng bruka fjell- og turstier i område kvar veke. I eit folkehelseperspektiv er det ein kjempefordel at dei i tidlig alder får mulighet til å bli glad i fysisk aktivitet i naturen. Dette kan kanskje forebyggje trenden med stillesitjande ungdom?

Uskedalen har ein bolig- og infrastruktur som er godt tilrettelagt, og potensialet er større for vidare vekst. Utbygging av Ospelunden opnar for tilflyttarar og kanskje eit auka elevtal? Kvinnherad kommune har i dei siste åra satsa på å få folk til å flytta heim att gjennom «Kom heim-prosjektet». Ved å legge ned skulen, vil bygda bli mykje mindre attraktiv å flytta til. FAU har snakka med fleire familier som ville ha revurdert å flytta til Uskedalen dersom der ikkje var eit skuletilbud i bygda.

Uskedalen er ein attraktiv stad å bu, og er kjent for si gode dugnadsand. Her kan ein få til mykje! Vi har eit godt tilbud, og det vi treng for å få nye folk til bygda vår. Vi nevner butikk, frisør, blomsterforretning, bensinutsalg, kafè og meir. Og heldigvis den flotte skulen som er ein samlingsplass for bygda i dei fleste anledninger. Skulen er her med på å skapa eit godt samhald og eit trygt miljø for barna å veksa opp i.

Skulen nytter og vår flotte aktivitetshall (med klatrevegg) til mange aktiviteter. Det er per i dag ei prosjektgruppe som arbeider med å lage eit klatresenter tilknytta skulen. Dette vil i så fall forsterka skulebygget og lokalitetane ytterligere.

Vi må og løfte fram det fantastiske samarbeidet mellom dei to barnehagene i bygda og skulen vår. Nærleiken til skulen gjev ei trygg og god overgang fra barnehage til skule.

Vi er bekymra for tanken på kun 2 storskuler i ein så langstrakt kommune. Vi trur ikkje det er vegen å gå for å skape trygge skulebarn og meiner det vil komme i konflikt med kommunen sin visjon om eit aukande innbyggjartal. Det fratar oss verdien ved å bu på små plassar.

Vi meiner at Uskedalen som bygd og Uskedalen skule har mykje å tilby, både for sine eigne og ikkje minst for bygdene rundt.

 

Helsing styret i FAU ved Uskedalen skule

[gravityform id="11" title="true" description="true"]