Tok mann for ruskøyring to gongar same døgeret
To gonger på same døgeret vart mannen stoppa av politiet mistenkt for køyring i rusa tilstand.
– Me fekk meldinga 0010 natt til tysdag om ein bil som hadde køyrt ut av vegen i Lio, mellom Uskedalen og Herøysund. Meldinga kom frå publikum som hadde hatt kontakt med ein som har kome ut av bilen og framstod rusa, opplyser etterforskingsleiar ved Kvinnherad politistasjon Torgeir Fosse.
Politipatruljen rykka ut kom i kontakt med ein vaksen mann i 40-åra. Som dei tok hand om han. Han hadde ikkje førarkort, men hadde han mindre mengder narkotika på seg.
Artikkelen held fram under annonsen.
– Det blei tatt naudsynte prøvar av han, og han blei dimmetert etter prøvetaking, fortel Fosse.
Vanlegvis plar sogene stoppa der, men ikkje denne gongen, for seinare på tysdag fekk politiet melding om at same bilen er ute og køyrde igjen.
– Me fekk kontakt med den same personen som me hadde stoppa om natta, og mistenkte på ny ruskøyring utan førarkort, forklarer etterforskingsleiaren
Då var ein komen til 16-tida tysdag, i Uskedalen det også.
– Bilnøklane vart tatt frå vedkomande. Ved gjentatte forhold vil det bli vurdert om ein skal beslagleggja bilen, sluttar Fosse.